गजल, सिन्दुर एक धर्को मैले,

बाध्यतामा पहिरिएँ , सिन्दुर एक धर्को मैले |
त्यही सिन्दुर मानिराछु, आज सम्म सर्को मैले |

बिना इच्छा  पराईको, साथ लाग्नु पर्दाखेरि
रुँदै-रुँदै  ओढीदिएँ , घुम्टो अनि बर्को मैले |

कर-कापमा  डोली चढी , माईती घर छोड्नु पर्दा
सोचे साच्चै बा-आमालाई, दिएछु की झर्को मैले |

अन्जान झैँ बन्दै बसे, आफ्ना इच्छा दबाउँदै
बदलामा जिउँदैछु ,जीबन आज चर्को मैले |

रिमा साईराम ( सापकोटा)