गजल ,जीबन मैले पालेकी छु ,

पिंजडाको   चरीले झैँ  ज्यान मैले पालेकी छु |
भित्रि मनमा  सजाउँदै दियो बत्ति बालेकी छु |

जताततै  सुन्याताले छाइदिदा आफै भित्र
हजारौको हुल्मा पनि एक्लो हुन थालेकी छु |

अचानोले जस्तै गरि चोटै चोट खप्दै बसी
छिया-छिया हुँदा मुटु जसोतसो  टालेकी छु |

खुशी भन्दा पनि धेरै   निराशाले       ढाक्दा आज
आफ्ना मन्का इच्छा जति भित्र भित्रै गालेकी छु |

सबै कुरा    सहेर नै     कर्म    यस्तै   रैछ भन्दै
अझै पनि  हार नखाई   पाईला अघि चालेकी छु |

रिमा साईराम (सापकोटा)