गीत,अतीतमा

अनायासै अतीतमा फर्किसकेछु|
मन थाम्नै नसकेर दर्किसकेछु |

यी आँखामा सधैँ तिम्रो झल्को आएर
बाच्नै गाह्रो भएको छ मुटु खाएर
समाल्दै थे तर भित्रै चर्किसकेछु
मन थाम्नै नसकेर दर्किसकेछु |


रित्तो मेरो जीवनमा के नै साँचु म
 तिम्रै यादमा मरी-मरी कति बाँचु म
यिनै कुरा खेलाउँदै  झर्किसकेछु
मन थाम्नै नसकेर दर्किसकेछु |

अनायासै अतीतमा फर्किसकेछु
मन थाम्नै नसकेर दर्किसकेछु |

रिमा साईराम (सापकोटा)