गजल, भित्र भित्रै मारी यहाँ,

आँफ्ना सबै इच्छाहरु भित्र-भित्रै मारि यहाँ |
जिउँनु नै पर्ने रैछ मनै घाईते पारि यहाँ |

दिन दिनै अभाब र खाँचो खडा हुदाँ पनि
जसो तसो चल्नै पर्ने हाँसी हाँसी टारी यहाँ |

बन डढ्या देख्ने सबै मन डढ्दा कस्ले देख्नु
दर्द  पिडा  पखाल्नु नै पर्ने आँसु झारी यहाँ |

बल्या आगो ताप्दै सबै निभेकोलाई छोड्दा खेरि
 देखावटी हाँस्नै पर्ने  खुशी पर सारी यहाँ |

रिमा साईराम (सापकोटा)