गजल, केही छैन भर साथी,

मरी जाने जिन्दगीको केही छैन भर साथी ।
बाँचुन्जेल पापदेखि डराई पर सर साथी ।

सानो घाउले आफूलाई जति दर्द पीडा हुन्छ
त्यस्तै सम्झी अरुको'नि मर्का बुझ्ने गर साथी ।

जस्तो कर्म गर्छौं हामी उस्तै फल पाउँछौ भन्दै
अरुलाई दु;ख दिन मानिदिउँ डर साथी ।

जति धन सम्पति नै भए पनि हामीसंग
जस्तो आयौं उस्तै जान्छौं लानु के नै छ र साथी ।

अहंकार हटाएर हामी सबै एकै सोची
मनभित्र प्रेम-भावको बनाईदिउँ घर साथी ।

रिमा साईराम (सापकोटा)