गजल , पबित्र त्यो बन्धनलाई ,

पबित्र त्यो बन्धनलाई तोड्यौ तिमीले |
फुल छोडी काँडालाई गोड्यौ तिमीले |

भर पर्दो साथी बन्छु भन्दै आखिरमा
दोबाटोमा ल्याएर पो छोड्यौ तिमीले |

जुनी-जुनी संगै जिउँने बाचा भुलेर खै
कसो गरी मन मुटु  मोड्यौ तिमीले |

 अधुरो नै पारि हाम्रो प्रेम कहानी
अर्कै सँग आज नाता जोड्यौ तिमीले |

दुईदिनको रमझममा तिमी रमाउदै
साईनो बाँध्ने हाम्रो पर्खाल फोड्यौ तिमीले |

रिमा साईराम (सापकोटा)