गजल, सम्झिएर रोएँ ,

प्रदेशमा आफ्नो गाउँ सम्झिएर रोएँ
प्रियतमको सुन्दर नाउँ सम्झिएर रोएँ |

घर जग्गा धितो राखी लिएको त्यो ऋण
जोडी-जोडी ब्याज साउँ सम्झिएर रोएँ |

मिलिजुली दु;ख सुख साटी बसेको त्यो
प्राण भन्दा प्यारो ठाउँ सम्झिएर रोएँ |

बाध्यताले टाँढा हुदाँ दुखेको यो मनको
 चर्किएको आलो घाउ सम्झिएर रोएँ |

फर्किएर आफ्नै देश जान्छु भनि सोच्दा
महंगी त्यो बजार भाउ सम्झिएर रोएँ |

रिमा साईराम (सापकोटा)