गजल,कम्जोर हुन्न अब ,

समाल्नेछु आफुलाई म त कम्जोर हुन्न अब
निर्दयी को बचन सम्झी कहिलेनी रुन्न अब |

मेरो बारे नचाहिदो चर्चा गरी ठुलो बन्न
चलाएको मुख मैले जानेकी छु थुन्न अब |

सिस्नुघारी रैछ जहाँ त्यही फूल्न बाध्य भएँ    
तर पनि लाग्दिन भो अर्को बाटो चुन्न अब |

बाध्यताले जिन्दगी यो फसे पनि अंधेरीमा
साहस् गर्दै अघि बढ्छु आसुँले मन धुन्न अब |

आफ्नो मनको रहर मारी अरुको नै खुशी हेर्न
छोडीसके आशाका ति ताना मैले बुन्न अब |

रिमा साईराम (सापकोटा)