गजल ,सरस्वती माता ,

माता तिम्रो चरणमा आएकी छु आज
धुप बत्ति बाल्दै भजन गाएकी छु आज |

सुनी देउ मेरो पुकार विधादेवी माता,
तिमीलाई सामु पाउँदा रमाएकी छु आज ।।

सद्बुद्दीको आशिर्बाद छरिदेउ भन्दै
तिम्रै नाउँ जपी खुशी भएकी छु आज |

ज्ञानको ज्योति फैलाइदेउ चारैतिर भनि
बिन्ति गर्दै मठ मन्दिर धाएकी छु आज |

गर्ब गर्छु यही कुरा खेलाउँदै मनमा
धन्य तिम्रो शिष्य हुन पाएकी छु आज |

रिमा साईराम (सापकोटा )