गजल ,तिम्रै यादमा

तिम्रै यादमा टोलाएर हराउँन थालेकी छु |
दिन दिनै एक्लै म त बर्बराउँन थालेकी छु |

रमझम खुशियाली भन्दा पनि आज भोली  
 एकान्त पो झनै मन पराउँन थालेकी छु |

जता हिड्न खोज्छु त्यतै सम्झिएर टोलाउँदै
बेसुरमा पाइलाहरु लर्खराउँन थालेकी छु |

सपनीमा आउँदा सधैँ तिमी मेरो समीपमा
निन्द्राबाट झस्किएर कराउँन थालेकी छु

मेरो मात्र एकोहोरो माया हो की भन्दै फेरी
भित्र-भित्रै कैले-काहिँ डराउँन थालेकी छु |

रिमा साईराम (सापकोटा)